මහරහතුන් වැඩි මග ඔස්සේ චිත්තානුපස්‌සනාව - 31
බාහිර ලෝකය ප්‍රශ්නාර්ථයක්‌ ලෙසින් දකිනු වෙනුවට ඔබ නිහඬව ඔබේ ප්‍රශ්නය විසඳාගන්න
පිංවත් ඔබේ කයේ ක්‍රියාකාරිත්වය උදෙසා උපකාරක ධර්මයන් සකස්‌ කරදෙන කාය සංස්‌කාර, ඒ කියන්නේ ආශ්වාස ප්‍රශ්වාසය, රුධිරගමනය, ආහාර ජීර්ණය, ශරීර අපද්‍රව්‍ය බැහැර කිරීම මේ සෑම ක්‍රියාවක්‌ම ධර්මතාවක්‌. නමුත් ඒ ධර්මතාව අනිත්‍ය නිරතුරුවම වෙනස්‌වන ස්‌වභාවයෙන් යුක්‌තයි. මවකට දරු ප්‍රසූතියෙන් අනතුරුව මවුකිරි එරීම ධර්මතාවයක්‌.
පංචඋපාදානස්‌කන්ධ ධර්මයන්ට අදාළව විඤ්ඤාණය ගැන සටහන් තබන මොහොතේ පිංවත් ඔබ දක්‍ෂවෙන්න අනුනගේ පංචඋපාදානස්‌කන්ධයන් ගැන නොසිතා, නොසොයා තම පංචඋපාදානස්‌කන්ධයේ ක්‍රියාකාරීත්වය ගැන දකින්න. අනුන් හරි දේ කළත්, අනුන් වැරදි දේ කළත් පිංවත් ඔබට ඇති ඵලයක්‌ නැහැ. අනුන් අවංක වුවත්, අනුන් වංක වුවත් ඔබට ඇති ඵලයක්‌ නැහැ. ඔබට අර්ථයක්‌ තිබෙන්නේ අනුන් නිසා සකස්‌වෙන ඔබේ සිතිවිලිවල අනිත්‍යභාවය දැකීමයි. බාහිර ලෝකයට, ලෝකයේ ස්‌වභාවයෙන් ඉන්නට හැරලා, භාහිර ලෝකය නිසා ඔබ තුළ සකස්‌වෙන සිතිවිලිවල අනිත්‍යභාවය පමණක්‌ දකින්න ඔබ දක්‍ෂවෙන්න. බාහිර ලෝකය ප්‍රශ්නාර්ථයක්‌ ලෙසින් දකිනු වෙනුවට ඔබ නිහඬව ඔබේ ප්‍රශ්නය විසඳාගැනීමට දක්‍ෂවෙන්න.
පිංවත් ඔබ ලෝකයාට විවෘත වෙන්න ගියොත්, ලෝකයේ ප්‍රශ්න ඔබේ ප්‍රශ්නයක්‌ බවට පත්කොටගෙන, ඔබද ඇවිලෙන පංචඋපාදනස්‌කන්ධයක්‌ වේවි. රූපයක්‌ කෙරෙහි ඇලීම, ගැටීම, උපේක්‍ෂාවීම, හඳුනාගැනීම, හඳුනාගත්දේ ගැන සිතීම හේතුවෙන් සකස්‌වෙන විඤ්ඤාණය කථාකරන හඬ පිංවත් ඔබට සමාජයෙන් නිතරම ඇසෙනවා.
මට ඕනෑම ලෙඩක්‌ සුවපත් කරන්න පුළුවන්, මට කරන්න බැරි වැඩක්‌ නැහැ, මට වැස්‌ස නවත්වන්න පුළුවන්, මට ආණ්‌ඩු පෙරළන්න පිහිටුවන්න පුළුවන්, මම කිව්වොත් එයා ඕනෑම දෙයක්‌ කරනවා, මම තමයි එයාව ඔය තැනට ගෙනාවේ.... ආදී දැනීම් හේතුවෙන් සකස්‌වෙන මෙවැනි වචන සමාජයෙන් ඇසෙනකොට, තමාගේ හැකියාවන් පිළිබඳව සීමාවන් ඉක්‌මවා ගිය පුරසාරම් කියනකොට, මේ ඔබ දකින්නේ විඤ්ඤdණය නමැති මැදහත්කරුවාගේ සක්‌කාය දිට්‌ඨිය පෝෂණය කිරීමේ ක්‍රියාවලිය බව පිංවත් ඔබ නුවණින් තේරුම්ගත යුතුව තිබෙනවා. ජීවිතය තුළින් ධර්මය මතුකොටගත් තැනදී ජීවිතය කියන්නේ ධර්මයක්‌මයි. ජීවිතය පිරිහෙන්නේ නැහැ. ජීවිතය තුළින් අධර්මය මතුකොටගන්න තැනදී ජීවිතය කියන්නේ අධර්මයක්‌මයි. ඔබ නැවත නැවත පිරිහීමට පත්වෙනවා.
ආර්ය අෂ්ටාංගික මාර්ගය ඔස්සේ සතර සතිපට්‌ඨාන ධර්මයන් මෝදුකොට ගනිමින් පංචඋපාදානස්‌කන්ධයේ අනිත්‍යභාවය දකින පිංවත් තෙරුවන් කෙරෙහි ශ්‍රද්ධාව, අචල ශ්‍රද්ධාවක්‌ බවටත්, ශීලය ආර්ය ශීලයක්‌ බවටත් පත්කොටගෙන, උතුම් සෝවාන් ඵල අවබෝධය ලබා අනාගතය භවගමන ආත්මභව හතකට සීමාකොට ගන්නවා. ගිහි පිංවතුන්ලා මේ ඉලක්‌කය සපුරාගතහොත් ඔබට අනාගතයේ විඳින්න සිදු වන දුක ගැන බුදුරජාණන්වහන්සේ මෙහෙම උපමාවක්‌ දේශනා කරනවා. මහ පොළොවෙන් පස්‌මිටක්‌ අතට ගෙන බුදුරජාණන්වහන්සේ ප්‍රකාශ කරනවා සෝවාන් ඵලයට පත්වූ පිංවතා අතීතයේ වින්දා වූ දුක්‌ මහ පොළොවේ පස්‌වලට සමාන බවත්, ඔහුට අනාගතයේ විඳින්නට ඇත්තේ අතේ තිබෙන පස්‌ ප්‍රමාණයට සමාන දුකක්‌ය කියලා.
ඉහත උපමාවෙන් , සෝවාන් ඵලය කියන සැබෑම අර්ථය මොන තරම් ගැඹුරු, මොන තරම් තීරණාත්මක, මොනතරම් දුකින් මිදුණාවූ අර්ථයක්‌ද කියන කාරණය පිංවත් ඔබ නුවණින් තේරුම්ගත යුතු වෙනවා. වර්තමාන සමාජය මෙතරම් අර්ථවත්වූ සෝවාන් ඵල අවබෝධය සතියක වැඩසටහනකින් ලබාදෙන තරමට සැහැල්ලුවට ගෙන තිබෙනවා. භාවනා කිරීම නිසා, සිsල්පද සමාදන් වීම නිසා, දන්දීම පිංකම් සිදුකිරීම නිසා තමන් තුළ ඇතිවන සැහැල්ලුව, ප්‍රීතිය, පස්‌සද්ධිය පංච නීවරණ යටපත්වූ ස්‌වභාවය සෝවාන් ඵලය ලෙස වරදවා වටහාගත් පිංවතුන්ලා සමාජයේ සිටිනවා. මෙවැනි ස්‌වයං රැවටීම හේතුවෙන්, මේ ලැබුණා වූ උතුම් අවස්ථාව එම පිංවතුන්ලා අහිමිකොට ගන්නවා. සෝවාන් ඵල අවබෝධය මගේ කොට ගන්නවා. සෝවාන් ඵල අවබෝධය තුළ මම සිටිනවාය කියලා දකිනවා. මා තුළ නොවෙනස්‌ වන අවබෝධයක්‌ තිබෙනවාය කියලා දකිනවා. සෝවාන් ඵල අවබෝධය මගේ ආත්මය කොට දකිනවා. ඒ ආත්මය තුළ සෝවානඵල අවබෝධය තිබෙනවාය කියලා දකිනවා. පංචඋපාදනස්‌කන්ධය කෙරෙහි තෘෂ්ණාව හිස්‌ කරනවා වෙනුවට, තව තවත් මමත්වයේ දැඩිභාවයට පොහොර දමාගන්නවා.
මම තුළ නොවෙනස්‌ වෙන සෝවාන්ඵල අවබෝධයක්‌ තිබෙනවාය කියන දෘෂ්ටියෙන් සෝවාන්ඵල අවබෝධයට අදාළව තමන් අනුමාන කරන හැසිරීම්, කතාකිරීම්, ඇවතුම් පැවතුම් පැවැත්වීම වැනි චර්යාවන්ගෙන් තම දෘෂ්ටිය තව තවත් ශක්‌තිමත් කොට ගන්නවා. පංචඋපාදානස්‌කන්ධ ධර්මයට අදාළව රූපය, වේදනාව, සංඥාව, ෙච්තනා, විඤ්ඤාණය මාරයා හැටියට දකින්නේ නැහැ. රූපයේ බැසගෙන, විඳීම ජීවිතය කොට ගන්නවා. අතීත සංසාරයේ සම්මා සම්බුද්ධ ශාසනවල පිංවත් ඔබ සෝවාන්ඵල අවබෝධය නොලබා වංචාකාරී ධර්මයන් නිසා, වැරදි මඟපෙන්වීම නිසා තමන් සෝවාන්ඵල අවබෝධය ලැබුවාය කියලා රැවටී උතුම් සෝවාන්ඵල අවබෝධය අහිමි කොටගත් අවස්‌ථා ලක්‍ෂවාරයකට වැඩි බව ඔබ හොඳින් නුවණින් තේරුම් ගත යුතු වෙනවා.
ඉදිරිපත් කිරීම
ඉන්ද්‍රජිත් සුබසිංහ
indrajith.media@gmail.com
මහරහතුන් වැඩි මග ඔස්සේ චිත්තානුපස්‌සනාව - 32
ඔබ විසින්ම ඔබ රටවා ගැනීමේ විපාකය දන්නේද?
පිංවත් ඔබේ කයේ ක්‍රියාකාරිත්වය උදෙසා උපකාරක ධර්මයන් සකස්‌ කරදෙන කාය සංස්‌කාර, ඒ කියන්නේ ආශ්වාස ප්‍රශ්වාසය, රුධිරගමනය, ආහාර ජීර්ණය, ශරීර අපද්‍රව්‍ය බැහැර කිරීම මේ සෑම ක්‍රියාවක්‌ම ධර්මතාවක්‌. නමුත් ඒ ධර්මතාව අනිත්‍ය නිරතුරුවම වෙනස්‌වන ස්‌වභාවයෙන් යුක්‌තයි. මවකට දරු ප්‍රසූතියෙන් අනතුරුව මවුකිරි එරීම ධර්මතාවයක්‌.
අතීතයේ පින්වත් ඔබ, ධර්ම මාර්ගය වඩමින් තව එක සිතිවිල්ලක්‌ අනිත්‍යභාවයෙන් දැකීම තුළ උතුම් සෝවාන් ඵල අවබෝධය ලැබීමට හැකියාව තිබියදී, එම සිතිවිල්ල මගේකොට ගැනීම නිසා, ඔබ අතීතයේ උතුම් සෝවාන් ඵලය අහිමි කොටගෙන තිබෙනවා. පින්වත් ඔබ විවේකීව සිටින විට ඉහත කාරණය නුවණින් මෙනෙහි කරන්න. එවිට පින්වත් ඔබට මේ ජීවිතයේදී එවැනි වංචාකාරී ධර්මයන්ට හසු නොවී ඒ අතීතයේ ඇතිකොටගත්තා වූ විශේෂ දැනීම්, විඤ්ඤාණයන් අනිත්‍ය වශයෙන් දකින්න. දිගින් දිගටම එම වංචාවන්ට හසුවූ, අතීතය නුවණින් මතුකොටගෙන ඒ සකස්‌වුණා වූ දැනීම්, අනිත්‍ය වශයෙන් දකින්න. එවිට මේ ජීවිතයේදී එවැනි වංචාකාරී ධර්මයන්ට රැවටීමේ අවස්‌ථාවන් ඔබට මඟහැරී යනවා.
උතුම් සෝවාන්ඵලයට පත්වූ පින්වතා, පින්වතිය ලෝකෝත්තර සම්මා සතියෙන් පරිපූර්ණ කෙනෙක්‌ වෙනවා. ඔහු සිත මාරයා වශයෙන් හඳුනාගත් කෙනෙක්‌. අනිත්‍ය දේ අනිත්‍ය වශයෙන්, දුක්‌ දෙය දුක්‌ වශයෙන්, අසුබ දෙය අසුබ වශයෙන්, අනාත්ම දෙය අනාත්ම වශයෙන් හඳුනාගත් කෙනෙක්‌. ඔහුගේ සිත කිව්වොත් ඔහු සෝවාන් ඵලයට පත්වුණාය කියලා, ඔහු දන්නවා, ඒ සිතත් මාරයාට අයත් පංචඋපාදානස්‌කන්ධයක්‌ය කියලා. ඔහු තමන් සෝවාන් ඵලයට පත්වුණාය කියන සිතට බැඳී යන්නේ නැහැ. ඔහු මම තුළ සෝවාන් ඵලය තියෙනවා ය කියලා දකින්නේ නැහැ. ඔහුට මම කියන ධර්මයත්, සෝවාන් ඵලය කියන ධර්මයත් අනිත්‍ය වශයෙන් දැක්‌කාවූ පටිච්චසමුප්පාද ක්‍රියාවලිය තුළ විසුරුවා දැක්‌කා වූ ධර්මයක්‌ පමණක්‌මයි. අවංකව, අර්ථයෙන්ම සෝවාන් ඵලයට පත්වූ පින්වතා, තමා සෝවාන් ඵලයට පත්වුණාය කියන සිත අනිත්‍ය වශයෙන් දකිමින් තමා තුළින් තමා දකිනවා. තමා තුළින් තමා දකින්නේ, තමා තමාටම අවංක වෙමින්. මෙම ධර්මතාව සෝවාන්ඵලයට පත්වූ පින්වතාගේ සුවිශේෂී වූ ධර්මතාවක්‌. වර්තමාන සමාජයේ හුඟදෙනෙක්‌ තමා තුළින් තමා දකින්නේ, තමා තමාට වංක වෙමින්, තමා තමාවම රවටාගැනීම තුළිනුයි. නමුත් සෝවාන් ඵල අවබෝධය ලැබූ පින්වතා, තමා තුළින් තමන්ව දකින්නේ, තමා තමාටම අවංක වෙමින්. නැවන නැවතත් තමන් තුළින් තමාව දකිනවා.
පින්වත් ඔබ තවමත් සෝවාන් ඵලයට පත්ව නොමැති පින්වතෙක්‌ නම්, පින්වත් ඔබ ගෙවාගෙන පැමිණි අති දීර්ඝ භවගමනේදී ඔබ තුළ තවමත් ලෝකෝත්තර සම්මා සතිය කියන ධර්මතාව සකස්‌වෙලා නැහැ. ඔබ තුළ ලෝකෝත්තර සම්මා සතිය සකස්‌ වුණා නම්, ඔබ මේ වන විට උතුම් සෝවාන් ඵල අවබෝධයට පත්වී සිටින්නට ඕනා. එය ධර්මතාවක්‌. ලෝකෝත්තර සම්මා සතිය සකස්‌ වී උතුම් සෝවාන් ඵලයට පත්වූ පින්වතා නුවණින් දකිනවා, තමන් සංසාරයේ, සෝවාන් ඵලය ලැබුවාය කියලා රැවටුණු අවස්‌ථා ලක්‍ෂ ගාණකට වැඩිය කියලා.
සිත නමැති පංචඋපාදානස්‌කන්ධ මාරයා අතීතයේ තමා රැවටූ හැටි, නුවණින් දකිමින් ලෝකෝත්තර සම්මා සතිය තුළින් පංචඋපාදානස්‌කන්ධ මාරයා හඳුනාගත් ඔහු තමා තුළ සකස්‌වෙන මාර සිතිවිල්ලකට රැවටෙන්නේ නැහැ. බැඳෙන්නේ නැහැ. මම සෝවාන් ඵලයට පත්වුණාය කියන සිතත් ඔහුට අනිත්‍ය වූ පංචඋපාදානස්‌කන්ධයක්‌ පමණයි. ඔහු තමා තුළින් තමාව ස්‌වයංපරීක්‍ෂණයකට ලක්‌කොට බලනවා. තමා තමාට අවංක වෙමින්, තමා තෙරුවන් කෙරෙහි අචල ශ්‍රද්ධාවට පැමිණ තිබෙනවා ද කියලා. තමා තුළ ශීලය ආර්ය ශීලයක්‌ හැටියට වැඩෙනවා ද කියලා. ලොව්තුරා බුදුරජාණන්වහන්සේ, ධර්මරත්නය, සංඝරත්නය කියන උතුම් ධර්මතාවන් ද අනිත්‍ය වී යන ධර්මතාවයක්‌ බව තමන් දකිනවා ද කියලා. කුසල් අකුසල් සංස්‌කාරයන් විපාක දී අනිත්‍යභාවයට පත්වෙන ධර්මතාවයක්‌ වශයෙන් තමා තුළින් තමා දකිනවා ද කියලා. රූප, වේදනා, සංඥා, සංස්‌කාර, විඤ්ඤාණ ධර්මතාවන් නිරතුරුවම අනිත්‍යභාවයට පත්වෙන ධර්මතාවන් හැටියට තමා තුළින් දකිනවා ද කියලා. ජීවිත පටිච්ච සමුප්පාද ක්‍රියාවලිය තුළ විසුරුවා දකින්න සෝවාන් ඵලය ලැබූ පින්වතා දක්‍ෂ වෙනවා.
ඉදිරිපත් කිරීම
ඉන්ද්‍රජිත් සුබසිංහ
indrajith.media@gmail.com
You're Responsible for your Child's Behaviour
චිත්තගුප්ත මහ රහතන්වහන්සේ ඇතුළු දොළොස් දහසක් මහ රහතන්වහන්සේලා වැඩ සිටි අති පාරිශුද්ධ අම්බලන්තොට කරඩුලෙන ආරණ්‍ය සේනාසනයට බලවත් අඩුපාඩුවක්ව පැවැති විදුලිබලය ලබාදීමේ ව්‍යාපෘතිය සදහා ඔබත් දායක වන්න....
ලැබූ දුර්ලභ මිනිසත් භවයේ දී දායක විය හැකි, අතිදුර්ලභ පිංකමක් සදහා හේතු සම්පත් ඇති ඔබටයි මේ ගෞරවණීය ආරාධනය..
--
තෙරුවන් සරණයි !
--
පුජ්‍යපාද උඩුදුම්බර කාශ්‍යප ස්වාමින්වහන්සේ විසින් මැයි මස පැවැත්වීමට නියමිත ධර්ම වැඩසටහන්
සෙනසුරාදා, මැයි 6, 8am – 11am - අනිත්‍ය භාවනා කමටහන් දේශනාව, හොරණ ඉළිඹ ශ්‍රී දෙවින්දාරාමය
සෙනසුරාදා, මැයි 6, 1pm – 6pm - කැළණිය රජමහා විහාරය, කැළණිය
ඉරිදා, මැයි 7, 8am – 11am - සාකච්ඡාමය දේශනය , ශ්‍රී සුධර්ශනාරාම පුරාණ විහාරය, කිරිබත්ගොඩ.
ඉරිදා, මැයි 7, 2:30pm – 5:00pm - විපස්සනා භාවනා මද්‍යස්ථානය, කොළඹ
සෙනසුරාදා, මැයි 13, 8:30am – 4:00pm මාසික භාවනා වැඩසටහන - සාමෝදය ශාලාව, මාවතගම.
ඉරිදා,, මැයි 14, 8:30am – 4:00pm මාසික භාවනා වැඩසටහන - නගර ශාලාව, අවිස්සාවේල්ල.
සෙනසුරාදා, මැයි 20, 8:30am – 4:00pm - මාසික භාවනා වැඩසටහන - ගම්පහ
ඉරිදා, මැයි 21, 8:30am – 4:00pm මාසික භාවනා වැඩසටහන - සමාධි ජාත්‍යන්තර බෞද්ධ මද්‍යස්ථානය, තඹුත්තේගම.
සෙනසුරාදා, මැයි 27, 8:30am – 4:00pm - මාසික භාවනා වැඩසටහන - කොටිකාගොඩ රජමහා විහාරය, මාතර.
ඉරිදා, මැයි 28, 8am – 11am - භාවනා කමටහන් දේශනාව - අඹකොටේ අරණ්‍ය, නුවර.
2017 මැයි 06 දින සජීවීව විකාශනය
2017 මැයි 06 දින ප.ව. 1.00 සිට ප.ව.6.00 දක්වා පැය 5ක් පුරාවට කැළණිය රාජමහා විහාරයේදී පැවැත්වීමට නියමිත මහා නිධාන සුත්‍රය ඇසුරින් පවත්වන ධර්ම දේශනාව සඳහා සහභාගී වීමට අපහසු පින්වතුන් වෙනුවෙන් මෙම අවස්ථාව YouTube හරහා සජීවීව විකාශනය කිරීමට චිත්ත විශුද්ධි පදනම කටයුතු සම්පාදනය කරමින් සිටී.
එම සජීවී විකාශනය නැරඹීම සඳහා YouTube Live - Chiththa Vishuddhi Foundation නාලිකාව හරහා සම්බන්ධ විය හැක.
මෙම සජීවී විකාශනය කැළණියේ සිට අන්තර්ජාලය ඔස්සේ විකාශනය කරන බැවින් විටින් විට තාක්ෂණික බාධක පැමිණිය හැකි අතර, චිත්ත විශුද්ධි පදනම එම බාධක අවම වන ලෙස අඛණ්ඩ විකාශනයක් සිදුකිරීමට උපරිම උත්සාහ කරන බව මෙත්සිතින් සලකන්න.
තෙරුවන් සරණයි !
--
චිත්ත විශුද්ධි පදනම
To no longer receive these updates, mail to chiththa.vishuddhi@gmail.com with subject Unsubscribe.
