ටිකක් දිග වුනාට කමක් නැහැනෙ කියවලම බලන්න
සතියකට දින 5 - 7 ක් මිනිත්තු 20 - 30 ක් බැගින් ඇවිදීම, බයිසිකල් පැදීම, ඇවිදීම, උස පැනීම, ටේරඩ්මිල්, පඩි නැගීම, පිහිනීම වැනි කි‍්‍රයාකාරකමක යෙදීම ඉතා වැදගත්ය. ඒකාකාරී ජීවන රටාව සිරුරෙහි මේදය අධිකවීමට ප‍්‍රබලවම හේතු වෙන කරුණක්. එහෙත් වයස අවුරුදු 40 ට වැඩි පිරිමින් හා වයස අවුරුදු 50 ට වැඩි කාන්තාවන් ව්‍යායාමය කිරීම ඇරඹීමට පෙර වෛද්‍ය උපදෙස් පැතිය යුතුයි.එම වයස් සීමාවේ පසු නොවුණත් හදවත් රෝග, ඇදුම වැනි පෙනහලු රෝග ඇති අය, ආතරයිටීස්, ඔස්ටියෝආතරයිටීස් වලින් පීඩා විඳින අය, යම් කි‍්‍රයාකාරකමකදී ඉක්මනින් වෙහෙසට පත් වෙන අය, අධික රුධිර පීඩනය, දියවැඩියාව, අහිතකර කොලෙස්ටරෝල් ඇති අය, දුම්පානය කරන්නන්, පවුලේ කිසිවකුට හෝ හෘද රෝග වැළඳී ඇත්නම්, ව්‍යායාම කිරීමට පෙර වෛද්‍ය උපදෙස් පතන්න.හෘද රෝග වැළඳීමේ අවදානමක් ඇති අය සැම විටම ව්‍යායාම කිරීම ඇරඹීමට පෙර වෛද්‍ය උපදෙස් පැතිය යුතුයි.ව්‍යායාම කරනවා වාගේම අඩුවෙන් කැලරි ලැබෙන ආහාර පාන ගැනීම ද වැදගත්. එළවළු, පලතුරු, ධාන්‍ය, ඇට වර්ග, හැකි තරම් කෑමට ගන්න. අප ගන්නා ආහාරයෙහි මේද 30% කට අඩුවෙන් තිබිය යුතුයි.බිත්තර කහ මද, බැදපු ආහාර, අධික මේදය හා සීනි අධික ආහාර, පේස්ටී‍්‍රස්, බටර්, මත්පැන්, පැණි බීම මේදය වඩවන සතුරු ආහාරයි.පහසුවෙන් දිරවන කේක්, පාන් වැනි සරල කබෝහයිඩ්‍රේට් අඩංගු ආහාර වෙනුවට පහසුවෙන් නොදිරවන කැකුළු බත්, එළවළු, පලතුරු කෑමට ගන්න.සමහර කාන්තාවන්ගේ සිරුරෙහි මේදය අධිකවීමට ගර්භණීභාවය ද බලපානවා. දරු ප‍්‍රසූූතියෙන් පසු බර අඩු කර ගැනීමට නොහැකි වීම නිසා දිගින් දිගටම ස්ථුලතාවය පැවතිය හැකියි. මේ නිසා ප‍්‍රසූතියෙන් පසු දරුවා ගැන මෙන්ම සිරුරේ හැඩය ගැන ද අවධානය යොමු කළ යුතුයි.තයිරොයිඩ් ග‍්‍රන්ථියේ අඩු කි‍්‍රයාකාරිත්වය හෝ ඇඩි‍්‍රනලින් ග‍්‍රන්ථියෙන් අධිකව හෝර්මෝන නිපදවීම බර වැඩි වීම කෙරෙහි බලපානවා. කාන්තාවන්ගේ බර වැඩි වීමට පොලිසිස්ටික් ඕවේරියන් සින්ඩේරීමය ද බලපාන බවට සැකයක් පවතිනවා.සමහර ලෙඩ රෝග නිසා (ආතරයිටීස් වැනි) සිරුර කි‍්‍රයා කරවීමට සිදු වන්නේ අඩුවෙන්. එය ද බර වැඩිවීමට හේතුවක්.
ඉතා වැදගත්
* නිතර තම බර කිරා වාර්තාවක් තබා ගන්න.
* කුමන හෝ කි‍්‍රයාකාරකමක යෙදීම සුළු හෝ ව්‍යායාමයක්
* අහිතකර ආහාර ගැනීමට සිතෙන සෑම අවස්ථාවකම තම තරබාරුව වැඩි කිරීමට එය හේතු වෙන බව සිහි තබා ගන්න.
* නිවෙසින් පිටතට යන සෑමවිටම ධාන්‍ය, ඇට, පලතුරු, කැරට්, යෝගට් වැනි අතුරුපසක් බෑගයේ දමා ගන්න. එවිට පිටතින් අහිතකර කෑම ගැනීමට ඇති ඉඩ ඇහිරෙනවා.
* පිළියෙළ කළ ආහාර වෙනුවට ස්වභාවික ආහාර සැම විටම කෑමට ගන්න. සකස් කළ කෑමවල ට‍්‍රාන්ස්මේදය බහුලව අඩංගු වෙන අතර ට‍්‍රාන්ස්මේදය දියවැඩියාව, අහිතරකර කොලෙස්ටරෝල්, අධික රුධිර පීඩනය, වැනි හානිකර සෞඛ්‍ය තත්ත්වයන්ට මග පාදනවා.
* ආහාර වෙනුවට පෝෂ්‍ය ගුණයෙන් යුතු පාන ගැනීම සිරුර සිහින් කරන්නන්ට ඉතා ප‍්‍රයෝජනවත් එළවළු සුප් මීට ඇති හොඳම උදාහරණයක්
* දිග ලේබල් ඇති ආහාරවලට වඩා කෙට් ලේබල් ඇති ආහාර නිෂ්පාදනවල බොහෝ විට අහිතකර ද්‍රව්‍ය අඩුයි. එහෙත් එම ආහාර පවා මිලදී ගත යුත්තේ හොඳින් ලේබලය කියවා බැලීමෙන් පසුවයි.
* එළවළු, පලතුරු, ඇට වර්ග වුණත් ලුණු, තෙල්, සීනි, එක් නොකර කෑමට ගන්න. පේරීටීන හා කාබෝහයිඩ්‍රේට් ග‍්‍රෑම් එකක කැලරි 4 ක් අඩංගුයි. මේදය ග‍්‍රෑම් එකක කැලරි නමයක් අඩංගුව පවතිනවා. මේදය අඩුවෙන් ආහාරයට ගන්නා විට ගන්නා ආහාර ප‍්‍රමාණය අඩු නොකළත් වැඩිපුර කැලරි ප‍්‍රමාණයක් සිරුරට ලැබෙන්නේ නැහැ.
* පොතු ඉවත් කර පිළියල කළ පිටි ආහාරවලට වඩා ( නූඩ්ල්ස්, පාන් වැනි ) පොතු සහිතව ධාන්‍ය කෑමට ගන්න. පිටි ආහාර ඉක්මනින් සිරුරට උරා ගන්නා අතර ඒවා ඉක්මනින් මේදය බවට පරිවර්තනය වෙනවා.
* ජලය වැඩි ප‍්‍රතිශතයක් අඩංගු ආහාර කෑමට ගන්න. කෙඳි බහුල ආහාර ද සිරුර සිහින් කිරීමේදි අත්‍යාවශ්‍යයි.
* සෝඩා වැනි කෘති‍්‍රම පාන සීමාකරන්න. දිනකට එක් සෝඩා වීදුරුවක් පානය කිරීමෙන් වසරකට සිරුරේ බර කි. ග‍්‍රෑම් හයකින් වැඩි වෙනවා.
* උදෑසන ආහාරය ගැනීම වැදගත් වාගේම ගන්නා ආහාරය පෝෂ්‍ය ජනක වීමත් වැදගත්
* සති අන්තය බොහෝ දෙනකුට අහිතකර ආහාර ගැනෙන දින දෙකකි. එනිසා සති අන්තයේ ගන්නා ආහාර ගැන විමසිලිමත් වෙන්න. පැය දෙකකට වරක්වත් කුඩා ආහාරයක් ගන්න.
No comments:
Post a Comment
Don't add a word Here. I'll Kill you....