මව්කිරි බිව් මුත්තෝ

 

මව්කිරි බිව් මුත්තෝ

2015 මාර්තු මස 03 09:07:01 | වේරගොඩගේ සජිව විජේවීර

 

ඩයිනෝසරයන් සමග මිහිමත ජීවත් වූ කිරි බි වැඩෙන හෙවත් ක්ෂීරපායි සතුන් දෙදෙනකුගේ ෆොසිල හමුවූ බව චින විදයාඥයෝ කණ්ඩායමක් කියති.

එම පර්යේෂකයන් පවසන්නේ මේ දෙදෙනාගෙන් එක් සත්ත්ව විශේෂයක් ගස්මත දිවිගෙවා ඇති බවයි. අනෙක් විශේෂය පොළොවේ ගුල් හාරාගෙන ජීවත්වී ඇතැයි ද ඔවුන් පවසයි.

චීනයේ චිකාගෝ විශ්වවිද්‍යාලය මේ පර්යේෂණය සිදුකැර ඇති අතර එම පර්යේෂණ කණ්ඩායමේ නායකත්වය දැරූ  ජෛව විද්‍යා මහාචාර්ය සිලුවෝ මහතා පවසන්නේ ගස්මත ජීවත් වූ ක්ෂීරපායියා දැනට ලොව සොයාගෙන ඇති ගස්මත ජීවත්වූ පැරණිතම සත්ත්ව විශේෂය බවයි. එම සතුන් ඇග්ලිඩොකොඩන් ස්කැන්සෝරියස් (Aglidocodon scansorius) සත්ත්ව විද්‍යාත්මකව නම් කැර ඇත. ගස් නැගීමට සුදුසු ආකාරයෙන් දිගැති ශක්තිමත් නියපොතු තිබී ඇති බවත් ගස් පොතු  උලා කෑමට මනාව අනුවර්ථනය වූ දත් පිහිටි බවත් පර්යේෂකයෝ කියති. මේ සත්ත්වයා ග්‍රෑම් 40ක් පමණ බරැති වන්නට ඇතැයි ද ඔවුන්ගේ විශ්වාසයයි.

බිම ගුල් හාරාගෙන ජීවත් වූවා යැයි විශ්වාස කරණ අනෙක් ක්ෂීරපායී සත්ත්ව විශේෂය හඳුන්වා ඇත්තේ ඩොකොෆොසර් බ්‍රැචිඩැක්ටිලස් (Docofossor brachydactylus) යනුවෙනි. ග්‍රෑම් 17ක් පමණ බරින් යුක්ත යැයි අනුමාන කරණ මේ සත්ත්වයාගේ ඉදිරි පාද බිම ගුල් හෑරීමට සුදුසු ලෙස අනුවර්තනය වී ඇති බව ද විද්‍යාඥයෝ කියති.

ලොව මෙතෙක් සොයාගත් පැරණිත ම ක්ෂීරපායී සතුන් දෙදෙනාවන මොවුන් අදින් වසර ලක්ෂ 2000ත් 1450ත් අතර කාලයේ ජීවත්වන්නට ඇතැයි ද පර්යේෂකයන්ගේ මතයයි.

  

 

---

Confidentiality notice and disclaimer
This e-mail is private and may contain confidential information. You must not use, disclose, or retain any of its content if you have received it in error: please notify its sender and then delete it. Any views or opinions expressed in this e-mail are strictly those of its author. We do not accept liability for the consequences of any data corruption, interception, tampering, or virus.